الخصوصية فـلمّة

آخر تحديث: 28 أكتوبر 2026. هاد الصفحة كتشرح النسخة الحالية من لمّة.

البيانات اللي كنستعملو

الدخول عبر Google كيوصلنا بمعرّف الحساب والبريد ومعلومات البروفايل اللي كيسمح بها تسجيل الدخول. ما كنطلبوش صلاحية قراءة Gmail أو جهات الاتصال.

كنخزنو الاسم والنبذة والصورة الشخصية اللي كتختار، والمنشورات والصور والتعليقات والإعجابات والمتابعات والمحفوظات، والرسائل الخاصة، والحظر والبلاغات، باش نخدمو هاد الميزات.

شكون كيقدر يشوفها؟

الأعضاء المسجلين يقدرو يشوفو البروفايلات ومنشورات الأعضاء الآخرين والتفاعل معاها، حسب قواعد الحظر. المحفوظات خاصة بالحساب. المحادثات متاحة للمشاركين فيها. البلاغ كيشوفو صاحبو ومسؤول قاعدة البيانات.

الرسائل ماشي مشفّرة من طرف لطرف؛ مسؤولو قاعدة البيانات يقدرو يوصلو للبيانات. الحظر ما كيمسحش نسخ سبق تحميلها، وروابط الصور المؤقتة تقدر تبقى صالحة حتى تسالي مدتها. ما تشاركش معلومات حساسة.

الاستضافة والتخزين

الواجهة مستضافة فـCloudflare Pages، والحسابات والبيانات والصور فـSupabase؛ قاعدة بيانات المشروع فـمنطقة eu-west-1. Google كيعالج تسجيل الدخول. هاد المزودين يقدرو يعالجو معلومات تقنية حسب سياساتهم. المتصفح كيحتافظ بجلسة الدخول وكيكاشي ملفات التطبيق؛ مسح بيانات الموقع ما كيمسحش البيانات السحابية.

الحذف والتواصل

تقدر تعدّل البروفايل وتحذف منشوراتك من التطبيق. الحذف الكامل للحساب مازال ما عندوش زر آلي. لطلب حذف الحساب وبياناته أو الاستفسار على الخصوصية، تواصل من بريد الحساب مع aymenrabeh67@gmail.com. الطلب كيتعالج يدوياً بعد التحقق من الملكية، وما كنحدّدوش هنا أجل معالجة مضمون. البيانات كتبقى فالسحابة حتى تتحذف؛ نسخ احتفظ بها أعضاء آخرون ما نقدرش نحيدوها من أجهزتهم.

الخدمة مازال فتطوير، والنسخ الاحتياطي والاسترجاع ماشي مضمونين. ما تعتمدش عليها كنسخة وحيدة لصورك أو بياناتك.